Том хэмжээний цөмийн мөргөлдөөн нь 5 тэрбум гаруй хүнийг өлсгөлөнгөөр үхүүлэх болно гэдгийг судалгаагааранхааруулж байна.

АНУ-ын Нью-Жерси мужийн Ратгерсийн их сургуулийн цаг уурын судлаачдын удирдсан дэлхий даяар хийсэн судалгаагаар АНУ, Оросын хооронд бүрэн хэмжээний цөмийн дайн дэгдэх тохиолдолд дэлхийн хүн амын 75% хоёр жилийн дотор харамсалтайгаар өлсгөлөнд нэрвэгдэж үхнэ гэж тооцоолжээ. Түүнчлэн мөргөлдөөнөөс хойш 3-4 жилийн хугацаанд газар тариалангийн дэлхийн дундаж илчлэгийн үйлдвэрлэл 90%-иар огцом буурах болно. Цөмийн дэлбэрэлт нь орон нутгийн цацраг идэвхт бохирдол, хөрс, усны бохирдол, дэд бүтцийг сүйтгэж, нийлүүлэлтийн сүлжээг тасалдуулахад хүргэх бол мөн стратосферт нарны гэрлийг хаах тортог их хэмжээгээр ялгаруулах галын шуургыг бий болгоно гэж судалгаа тайлбарлажээ. Хөө тортог дэлхийн эргэн тойронд тархах тусам дэлхийн температур хурдан буурч, өргөн хэмжээний газар тариалангийн ургац алдалт, хүнсний хомсдол, өлсгөлөнд хүргэнэ. Ратгерсийн их сургуулийн цаг уурын эрдэмтэд болон холбогдох бүх хүмүүсийн үнэхээр аймар сэрэмжлүүлэг байна. Ийм гамшгийн үр дагавраас зайлсхийхийн тулд дэлхийн өнцөг булан бүрт буй хүмүүс Бурханы өршөөнгүй ивээлээр бүх үндэстний энх тайван, нөхөрлөлийг дэмжээсэй.