Дэлгэрэнгүй
Татаж авах Docx
Дэлгэрэнгүй уншаарай
2024 оны 5-р сарын 27-ны даваа гарагт бидний Хамгаас Хайрт Төгс Гэгээрсэн Их Багш Чин Хай (веган) эрчимтэй дияан бясалгалынхаа үнэт цагаас хугаслан, Сувдаг чөтгөрүүдийн Хаан, сувдаг тэнүүл сүнснүүдийн Хаан хоёр шинэ газарт Өөрсдийн иргэдийг авч очсон талаар сайхан мэдээ дуулгалаа. Үүний үр дүнд манай гараг дээрх хорон муу энерги маш их багассан бөгөөд энэ нь бидний сүнслэг бясалгалд тус дөхөм болж, хүмүүсийн амьдрал илүү амар болох юм.Саяхан сувдаг тэнүүл сүнснүүдийн Эрхэмсэг Хаан сувдаг чөтгөрүүд, сувдаг тэнүүл сүнснүүд гэх зэрэг ижил төрөлтнүүдэд зориулан миний бий болгосон ертөнцийг хэдийн эзэлсэн. Гэхдээ сувдаг чөтгөрүүдийн Хаан энэ гараг дээр оршин байх сонголтыг хийсэн юм. Сувдаг тэнүүл сүнснүүдийн Хаан Өөрийн бүх дагалдагч, ард иргэдээ миний бүтээсэн Айфюзи хэмээх ертөнц рүү аваачихаар шийдсэн. А-Й-Ф-Ю-З-И Одоо тэд Гуравдугаар Түвшинээс дээш, Гурав ба Дөрөвдүгээр сүнслэг түвшний дунд орших тэр газартаа тун баяр хөөртэй байгаа, үүний төлөө Бурханд маш их талархаж байгаа. […]Тийм болохоор сувдаг чөтгөр болон тэнүүл сүнснүүдийн хоёр том бүлэг бидний оюун санааны гэгээрэлд саад болохгүйгээр зайлсанд би их баяртай байна. Тэд бидний ойр хавьд байж, санаатайгаар саад болохгүй болсон тул урьдынхаас хамаагүй дөхөм боллоо. Нэн ховор тохиолдох энэхүү үйл явдлын төлөө би Бүхнийг Болгоогч Бурхан болон бүхий л Их Багш нарт асар их талархаж байна. Би үнэхээр их талархаж байна. Бидэнд тохиолдож буй эдгээр сайн сайхан зүйлийн төлөө би Бурханд талархан мөргөсөн. […] Би үгээр илэрхийлэхийн аргагүй баяртай байна. Хэр баяртай байгаагаа та нарт үгээр хэлж чадахгүй нь. Баяртай байна гээд л ойлгоход болно. Эдгээр явдал хараахан болоогүй байсан хоёр гурван жилийн өмнөх үеэс илүү баяртай байна. […]Гэхдээ та нар очсон газар бүрдээ ямагт талархалтай байгаарай. Бурхан хаа сайгүй оршин байгаа, Гэгээнтэн Мэргэдийн энерги хаа сайгүй байгаа гэдгийг ямагт санаж яваарай. Чин сэтгэлээсээ хүндэтгэлтэй ханд. Онц гойд юмгүй, таагүй харагдаж байсан ч гэсэн хэнийг ч, ямар ч газрыг хэзээ ч бүү дорд үзээрэй. Яаж мэдэх вэ дээ. Хий төлөвт юу байгааг, тэнд юу оршин байж, тэнд юу бүтээснийг та нар огт мэдэхгүй. Билгийн мэлмийгүйгээр харах боломжгүй. […]Ер нь энэ биет ертөнцөд амьдрахдаа бясалгагч хүний хувьд ч тэр байнга болгоомжтой байж, өөрийнхөө чадах хэрээр хичээн, Их Багш нарын сургаалаас сурсан нинжин сэтгэлээ улам сайн хөгжүүлж, улам сайн санан, Бурханы ивээл дор улам их бясалгах хэрэгтэй. Энэ бүгдийг харуул, хайраа харуул. Хайраа өг, хайраар үйлд, өөрийг тань хүрээлсэн хүмүүст хайраараа ханд. Учир нь хэнд тусалж байгаагаа та нар мэдэхгүй. Зүсээ хувиргасан Гэгээнтэн байж мэднэ, асар өндөр гэгээрэлтэй Гэгээнтэн, бясалгагч бусад шиг энгийн даруу, яг Кабир шиг амьдарч байж болно. […]Зүгээр л уулзсан болгонтойгоо хүндлэлтэй харьцаж, хайраар хандан, тэдний дотоодын Бурханыг харж, Ертөнцөд эзлэх өөрсдийнхөө өндөр байр суурийг, Бурханы хүүхдүүд гэдгээ тэд мэддэг байсан ч, үгүй байсан ч сайхан ханд, сайн ханд. Тэгвэл амьдрал тань сайжирна. Үүнийг л та нарт хэлэх гэсэн юм. Заавал Гэгээнтнүүдийг хайж олоод Түүнд сайхан хандаж, Түүнээс адис горилохдоо биш юм. Үгүй, үгүй тэр бол бизнес шиг зүйл. Доогуур зиндааны асуудал. Бусдад хариу нэхээгүй байдлаар ханд, тэдний оронд байсан бол өөрт тань яаж хандаасай гэж боддог байдлаар ханд. Өөрийгөө дандаа оронд нь тавьж үз, тэгвэл тэдэнд хэрхэн хандахаа мэднэ. […]
