Бүх давхаргын хүмүүс Германд веган сургаалыг түгээхийн тулд яаралтай нэгдэж байгааг мэдээд бидний зүрх сэтгэл баяр хөөрөөр дүүрэн байна.

Германы Констанс нуурын бодит үйлсийг бүтээгч найз нөхдөөс ирүүлсэн сэтгэлийн үгийг одоо бид хүргэе:

Эрхэм Төгс Гэгээрсэн Их Багш Чин Хай, Суприм Мастер ТВ-ийн хамт олон, Швейцартай хил залгаа орших Германы алдарт Констанс нуурын нарлаг Констансад Амьтны бахархлын өдрийг таван жилийн турш зохион байгуулж байна. Энэ нь баяр хөөртэй, тайван энергитэй веган амьдралын хэв маягийг хэвшүүлэхэд хүмүүсийг урих зорилтыг тавьсан юм. Арван таван веган байгууллага оролцсон веган наадмаас гадна Швейцарын Кроузлинген хотоос Констанс дахь Августинерплатц хүртэл жагсаал болдог. Кристофер гудамжны өдрийн жагсаалаас санаа авсан хайр, эв найрамдал бол гол зүйл юм. “Төрөлхийн эв нэгдэл” бол жагсаалыг удирдаж, хүмүүсийг нэгдэхийг уриалсан эрч хүчтэй, амьтны эрхийн төлөө тэмцэгч Виктор Гебхартын ялгарах тэмдэг билээ.

Ойролцоогоор 120 оролцогч, мөн хотын оршин суугчид хүрэлцэн ирсэн веган уран бүтээлчдийн үзүүлбэрийг биширч байгаагаа илэрхийлсэн юм. Онцлох уран бүтээлчдэд дуучин, ая зохиогч Нет, 2021 онд Суприм Мастер ТВ-ийн нэвтрүүлэгт оролцсон Английн дуучин веган хатан хаан Ви, Хорватын реппер IFEEL, соул, жазз дуучин Листентожулес, R&B (Ритм ба блюз) уран бүтээлч Ханс-Йорг Борншейн зэрэг амьтдын эрхийн төлөө тэмцэгч веганчууд багтсан байв. Кройзлингений хөгжмийн сургууль, Партипотатос бүжгийн хамтлаг хөгжилтэй брейк бүжгийн үзүүлбэр үзүүллээ. Зочид алга ташихаа зогссонгүй.

Амьтны бахархлын өдөр болон бусад жагсаалын хоорондох шийдвэрлэх ялгаа нь хөтлөгч Виктор Гебхартын эерэг хандлага байв. Хүмүүсийг веган амьдралын хэв маягийн талаар урамшуулахын тулд тэднийг веган наадамд найрсгаар урих нь үр дүнтэй байдаг. Ийм найрсаг уур амьсгал оролцогч, үзэгчдийн аль алинд нь нэн таатай мэдрэмж төрүүллээ. Мюнстерплатцад нэг минут чимээгүй байсан нь маш гайхалтай байсан бөгөөд энэ нь хөөрхий амьтад маань хүмүүсийн ​​гарт ямар их зовдог болохыг онцолж, тэднийг өрөвдөх сэтгэлийг ил тод харуулсан юм.

Амьтны бахархалын тэргүүн Даяана Бенз, видео зураглаач Кристоф Стейн нар чин сэтгэлийн захиасаа хүргэв.

“Би Даяана байна. Би Амьтны бахархал нийгэмлэгийн анхны тэргүүн. Бидний хүсэл бол амьтан-хүмүүс яг л хүн шиг нэр төртэй амьдрах боломжтой гэдгийг хүмүүст мэдрүүлэхийн тулд эерэг сэтгэлгээг ашиглах явдал юм.”

“Сайн байцгаана уу? Би амьтны эрхийг хамгаалах Амьтны бахархал байгууллагын Крис байна. Миний хувьд хамгийн чухал зүйл бол үүнийг хэрэгжүүлж чадвал хүн төрөлтөн, бүх төрлийн амьтан-хүмүүс гэлтгүй бүх амьд оршихуйд нэр төртэй, хүндэтгэлтэй хандах явдал юм. Тэгээд бид зүгээр л хамтдаа амар тайван амьдарна.”

Ийм сайхан өдрийн нэг хэсэг болох боломж бидэнд олгосонд баярлалаа. Бид ирэх жилийг тэсэн ядан хүлээж байна. Герман дахь Констанс нуураас хамгийн сайн сайхныг хүсэн ерөөе. Нуурын бодит үйлсийг бүтээгч найз нөхдөөс

Нуурын бодит үйлсийг бүтээгч алдарт найзууд аа, Та бүхний зурвасыг уншихад таатай байна. Бүх давхаргын хүмүүс Германд веган сургаалыг түгээхийн тулд яаралтай нэгдэж байгааг мэдээд бидний зүрх сэтгэл баяр хөөрөөр дүүрэн байна. Бидний эрдэнэт амьтан андуудын өгсөн нөхцөл болзолгүй хайрын хариуг улам олон хүн хүлээн авна хэмээн бид найдаж байна. Бурханы гэрэл та бүхний дотоодыг болон сүр жавхлант Германыг гийгүүлэх болтугай. Суприм Мастер ТВ-ийн хамт олон

Жич: Их Багш мэргэн захиасаа айлдахдаа баяртай байна. “Нуурын андууд та бүхэндээ веган шинэ оны мэнд хүргэе. Бидэнд цаг гарган бичиж илгээсэнд баярлалаа. Бид та бүхэн шиг эрхэм ариун, эрч хүчтэй амьтан-хүний хамгаалагчдаас захидал хүлээн авсандаа баяртай байна! Нуурын бодит үйлсийг бүтээгч элэгсэг дотно найзууд аа, Веганизмыг сурталчлах ямар бүтээлч, сэтгэл хөдлөм арга вэ! Амьтан-хүмүүс бол яг үнэндээ биднээс ялгаагүй. Тэд сэтгэл хөдлөлтэй, тэд хайрыг мэдэрдэг, айдас, өвдөлтийг бас мэдэрдэг. Бид өөрсдийнхөө махыг идэх тухай хэзээ ч бодохгүй шүү дээ. Тиймээс амьтан-хүний мах, түүний дагалдах бүтээгдэхүүнийг амьдралынхаа нэг хэсэг гэж үзэх ямар ч шалтгаан бидэнд байх ёсгүй. Гэмгүй, даруухан зэрэгцэн оршигчдыг энэрэн нигүүлсэх сэтгэлийг түгээхээр хүсэж тэмүүлэн хичээж буй та бүхэн шиг зүрх сэтгэлтэй хүмүүс байгаад Бурханд талархал өргөе. Та бүхэн, Германы зоримог ард түмэн гарагийнхаа уур амьсгалд эерэг энергийг түгээсээр байх болтугай. Та бүгдийг бүхий л Хайраараа чин сэтгэлээсээ тэвэрье.”