Өндөр оюун ухаант амьтад

Нэрээ мэдэж, видео тоглоом тоглож, ая тухтай байхаар агааржуулагчийг асааж унтраадаг гахайнуудын тухай бид сонссон. Тооны бодлого боддог тахиа, 50 хонины царайг зургаар нь мэддэг хонины тухай бид сонссон. Загасны оюун ухааны тухай зуу зуу судалгаа байдаг. Тэд багаж ашиглаж, олон сарын дараа ч юмыг санаж байх чадвартай. Амьтдын зөн совингийн ба телепатик чадвар бидний олонхоос илүү өндөр хөгжилтэй.

Амьтдын ер бусын ухааныг илчилсэн дараах ажиглалтад өртсөн баримтуудыг энд өгүүлэх болно. Бяцхан үслэг, сэрвээт, өдөт найз нарын авхаалж самбаа, танин мэдэхүйн гүн гүнзгий байдлыг хүн төрөлхтөн хараахан бүрэн нээгээгүй байна.

ШОРГООЛЖ бие биетэй харьцаж, газрын тэмдэг, гэрлэн дохиогоор хөдөлж, өөрийн бүсийн бусад колоний гишүүдтэй хэдэн удаан таарч байснаа нарийн тооцож гаргаж чадна.

САРЬСАН БАГВААХАЙ бусдынхаа дууг ялгаж таньдаг ба эхолокатор ашиглан хөдөлдөг.

Уураг тархины дасан зохицох хүчнээс үүдэлтэй оюун ухааны ачаар ШУВУУ 65 сая жилийн өмнө сүйрлээс зайлсхийх чаджээ.

Зөгий хоол хаана байгааг бүжгээр дамжуулдаг ба өөр өөр тивийн зөгийний хэлийг тайлж уншиж сурдаг ба цэцгүүдийн дунд хүнс цуглуулах хамгийн үр өгөөжтэй замыг тогтоохоор нарийн математикийн тэгшитгэл бодож чаддаг.

БОНОБОС сармагчин хүмүүстэй дохио зангаагаар харьцах ба бодлоо илэрхийлэх билэг тэмдгийн шинэ хослолыг зохиодог.

МУУРУУД сайн ой санамжтай бөгөөд энэ нь тэдний сурах явцад тустай бөгөөд сониуч зан, асуудлыг бүтээлчээр шийдэх, харилцах зэрэг оюун ухааны чадваруудыг харуулдаг.

ТАХИА нарийн нийгмийн зохион байгуулалттай бөгөөд зуу гаруй тахиаг санах чадвартай: 30 гаруй төрлийн аялгуугаар харьцаж, өөрийгөө эзэмдэх чадвартай: нэг үеэс нөгөө үе рүү соёлын мэдлэгээ уламжилж: харьцааны шалтгаан үр дагаврыг ойлгодог: тооны бодлого боддог: үр өгөөжтэй сэтгэл засах амьтад байж чаддаг.

ШИМПАНЗЕ янз бүрийн зүйл ашиглах чадвартай, дохио зангаагаар харьцдаг: тоо санах шаардлагатай даалгавар дээр коллежийн оюутнаас илүү байдаг.

ҮНЭЭ аливаа зүйлийг санах гайхалтай чадвартай: нийгмийн харьцаатай: сэтгэл зүйн нарийн тогтолцоотой: харьцааны шалтгаан үр дагаврыг ойлгодог: асуудлын шийдлийг гаргаж ирдэг.

ХЭРЭЭ, хон хэрээ зэрэг шувуудыг багтаасан корвидууд юмыг ашиглах тал дээр хүнтэй адил оюун ухааныг гаргадаг: гэр бүлийн дунд янз бүрийн аялгаар харьцаж, нийгмийн ба тактикийн тал дээр биеэ авч явах байдлаа хөгжүүлсэн.

ХАВЧ үзэгдэх зүйлсийг санах гайхалтай чадвартай: өөрийн алдаанаас суралцдаг: өнгөрсөн туршлага дээр тулгуурлан орчныхоо янз бүрийн нөлөөнд дасан зохицдог: бие биеэсээ харгалзаж, хөршүүдтэй тэмцэлддэггүй: акустик өдөөгчид хариу өгдөг: дууны хэлбэлзлээр харьцдаг: үр төлдөө цэвэр орчныг бүрдүүлж, асардаг.

НОХОЙНУУД зүрхний шигдээс, инсулин буурах: саажилт зэрэг амь насанд аюултай байдлын талаар хүмүүст сэрэмжлүүлэг өгөхөөр өөрийн хүчтэй мэдрэмжээ ашигладаг: харааны согогтой хүмүүст замчлагч байхад суралцах чадвартай: сайн ой санамжтай: сэтгэл зүйн эмчилгээний амьтад болдог: эрэл, аврах багт ажиллахаар сургагддаг.

ДЕЛЬФИНУУД өөрсдийгөө сорьдог: эхолокаци зэрэг онцгой мэдрэмжийн чадвартай: билэг тэмдгийн хэлийг ойлгодог: ирээдүйн төлөө боддог: шинэ зан байдлаа сурч, бусад дельфинд үүнийг дамжуулдаг: хүмүүс аюулд байгааг мэдээд махчин амьтдаас хамгаалж эсвэл тэднийг эрэг рүү хүртэл замчилдаг.

ЧИЙГИЙН ХОРХОЙ хонгилоо хаахад ямар төрлийн навч хэрэглэхээ шийдэх чадвартай.

ЗААН энгийн тоо бодож, өөрийнхөө тусгалыг толинд харж өөрийгөө таньдаг.

ЗАГАСНУУД бие биетэй харьцаж: юмс ашигладаг: урт удаан хугацааны ой санамжтай байдаг.

БАХУУД, эрэгчин бахууд хороор дуулахдаа гуаглахаа ялгарахаар тохируулж, эмэгчний анхаарлыг татдаг.

АНААШ бие биетэй хүмүүсийн чихэнд сонсогдохгүй инфрасоник төвшинд харьцдаг.

Ямаа нь байгалаасаа сониуч, ухаантай амьтан; хүний эерэг болоод сөрөг нүүрний хувирлыг ялгаж чаддаг ба эерэгт нь ойртохыг илүүд үздэг; шинэ орчныг судлах дуртай, шинэ ажилд суралцах чадвартай, хашлагаас хялбархан гарч чаддаг, бохир хоол болон бохир усыг идэж уудаггүй.

ГОРИЛЛ нь хүнтэй адил бие биеэтэй body language- ээр харьцдаг бөгөөд хүнтэй дохио зангаагаар харьцдаг.

МОРЬ тоолж чаддаг: танин мэдэхүйн даалгавар хийдэг: газар орон сайн мэддэг: энгийн суралцах явдалд гарамгай, хурц сэтгэл санааны байдлыг шийддэг.

ШАВЬЖНУУД төрөл зүйлийн хооронд төдийгүй газар доорхи ба газрын амьтадтай харьцаж, ургамлыг мэдээлэл солилцох утас болгон ашигладаг.

ЖЭЙ ШУВУУД өнгөрсөн туршлагын дурсамжийг төлөвлөхөд ашигладаг: хүнсний нөөцийн мянга мянган газрыг санадаг: тухайн хоолоо хир удаан хадгалснаа санадаг ба муудахаас өмнө буцааж авдаг.

КОАЛА найз нараа татаж, эсвэл аюулыг сэрэмжлүүлэхэд дуу авиагаар харьцдаг.

ЛАМА нь мэдрэмжтэй, ухаалаг амьтан бөгөөд хүний сэтгэл зүйн эмчилгээнд сайн.

ХАВЧ дельфин бусад амьтадтай адил эргэн тойрноо судалж, нийгмийн харьцаа тогтооход нарийн дохио хэрэглэдэг: усны дулаан нэг хоёр хэмээр өөрчлөгдсөнийг мэддэг: феромоноор харьцдаг.

ХУЛГАНА асуудлыг шийдэх, суралцах чадвартай нийгмийн зохион байгуулалттай.

САРМАГЧИН нэг үеэс нөгөө үе рүү мэдээлэл дамжуулах нийгмийн ба соёлын системтэй бөгөөд дараагийн үедээ хоол олж, төрөл саднаа таньж, багаж ашиглахыг заадаг: ач тустай ургамал ашиглан өөрийгөө эмчилдэг: үзэгдэх дохио, дуут дохио, үнэрт дохиогоор харьцах талаа хөгжүүлсэн: саа өвчтэй хүмүүст өдөр тутмын амьдралд туслахад суралцах чадалтай

МАЙНАХУУД хүний яриа, бусад дууг хамгийн сайн дуурайдаг ба хэдэн өдрийн дотор шинэ үг суралцах чадвартай.

АЛТАН ГУРГАЛДАЙ харьцааны олон дуутай бөгөөд гадаад шуугианы төвшинд дуугаа тохируулж чаддаг.

НАЙМААЛЖ наргил самрын хальсаар саравч барьж,сээр нуруугүй амьтан дээр багажаа хэрэглэдэг.

ТОТЬ хүний үгийг утгатай нь авцалдуулдаг: хүний хэлний нүүрний хувирлыг сурдаг: бүжгийн аянд бүжиглэж, хөгжмийн хэмнэлд тулгуурлан хэмнэлээ өөрчилдөг: өнгө, хэлбэр, тоо зэрэг абстракт зарчмуудыг хэрэглэж чадна.

ГАХАЙНУУД сайн ой санамжтай ухаалаг амьтад: нарийн нийгмийн бүтэцтэй: абстракт төсөөлөл хийх чадвартай: 3 настай хүүхдээс илүү дээд танин мэдэх чадвартай: шинэ юмыг хурдан сурдаг: өөрийн нэрээ сурч, видео тоглоом тоглож, ая тухтай байхын тулд агааржуулагчийг асааж унтраадаг.

ТАГТАА нарийн үйлдэлд суралцаж, үр дүнд нь хариу өгч чадна: бусад тагтаануудыг таньдаг: өөрийнхөө тусгалыг хараад өөрийгөө таньдаг: холоос гэртээ харих замаа санадаг: далайн аврагчдад амь аврах хантааз олоход тусалдаг: зөрчлийн үед хүмүүсийн амийг авардаг: газар хөдлөлтийг, цахилгаан шуургыг дуугаар тодорхойлж чаддаг: хэдэн жилийн турш зуу зуун дүрсийг санадаг: коллежийн оюутнуудтай адил янз бүрийн зураачдын зургийг ялгадаг.

ХАТАН ЗӨГИЙ пипин гэх хэлбэлзэлт дохиогоор зөгийний колонитой үр бүтээлтэй харилцдаг.

ТУУЛАЙ нарийн нийгмийн бүтэцтэй: хогийн сав ашиглаж сурах чадвартай, дуудахаар ирдэг: аюулыг мэдэрдэг, хүмүүсийг сэрэмжлүүлж чадна.

ХАРХ лабиринтийн бүтцийг олж мэдэх чадвартай ба тэсрэх миныг аюулгүй олоход сургагдаж чадна.

ДАЛАЙН ХАВНУУД хүнтэй адил задгай тэнгист замаа олохын тулд шөнө одоор баримжаа хийдэг.

ХОНЬ бусад хонь, хүмүүсийн нүүр царайг тогтоож чаддаг ба хүний чихэнд сонсогдохгүй дээд давтамжийн дууг хүлээн авдаг: гайхалтай орон зайн санамжтай: хоолны сайн эх сурвалжид хүрэх арга замд суралцдаг.

ХЯСАА үзэгдэх ба химийн дохиогоор харьцдаг.

ХЭРМҮҮД, бусад нуугдаж амьдардаг амьтад хүнсний мянга мянган нөөцийг санадаг: орчны гол физик өөрчлөлтийг дагадаг.

БАХ газар хөдлөлтийг урьдчилж хэлэх нэлээд нам давтамжийн радио долгионыг барьж авдаг.

ЦАЦАГТ ХЯРУУЛ ялгаатай зан байдалтай: эргэн тойрны орчиндоо уусаж, аюулаас зайлсхийдэг, гярхай: маш нийгэмч амьтад: танил хүмүүсийн царайг эргэн таньдаг.

ЯСТ МЭЛХИЙ нэг бээрийн зайд нуур, цөөрмийн байрлалыг тодорхойлж чаддаг: лабиринтыг мэдэх чадвартай: хөгжилдөн баярлах,цэнгүүлэхэд дуртай: инфра авиагаар харьцдаг: 230 сая гаруй жил өөр хэн ч амьд үлдэж чадахгүй газарт амьдардаг: хүмүүсийг таньдаг: эмэгчин төрсөн эрэг дээрээ үржих цагаар өндгөө дарахаар эргэн ирдэг.

ШҮХЭРТ КАКАДУ маш ухаалаг, хайрын сэтгэлтэй: хүний дууг дуурайдаг: нийгэмч: энгийн даалгавар хийхэд суралцах чадвартай.

НӨМРӨГ ТАС маш ухаалаг: дарамттай нөхцөл байдалд хүнээс тусламж авдаг: таашааж, таашаахгүй байгаагаа илэрхийлэхээр исгэрдэг.

ХАЛИМ далайн давалгаагаар дамжуулан янз бүрийн халимын дуудлагыг ялгах чадвартай бөгөөд өөрийн ярих ээлжээ хүлээдэг: халимын дуу, шогшроо, эхолокациар харьцдаг: сургаж, сурч, хамтарч, төлөвлөж, гасалдаг: аюулд орсон хөлөг онгоц, хүмүүсийг аюулгүй газар хүрэхэд тусалдаг.

КСЕНОПСУУД бие биетэй шувууны нарийн дуу хоолой, дуугаар харьцдаг.

САРЛАГУУД голдоо тугалуудаа оруулаад шөнөдөө бөөгнөрөн 50 хэмийн хүйтэнд өөрсдийгөө хамгаалж байдаг.

ЭРЭЭН ТАХЬ финчи шувуу шувууны дууны үеэр болсон явдлыг тусгадаг тархины идэвхт үйл ажиллагаатай унтаж байхдаа зүүдэлдэг: дуунд шаардлагатай тархины тусгай эстэй: дэгдээхий байхдаа өөрийн дуугаа хөгжүүлж байгаа нь хүний хүүхэдтэй адил: сонсогчдод тааруулан дуугаа тохируулдаг: тодорхой дуугаар бие биеэ таньдаг.

Дэлгэрэнгүй мэдээг дор хаягаар авна уу: www.SupremeMasterTV.com/Constructive-Scrolls