Дэлгэрэнгүй
Татаж авах Docx
Дэлгэрэнгүй уншаарай
2006 онд Австрийн Нина Мэссингер хоол тэжээл, эрүүл мэндийн тухай яриа өгч, семинар зохион байгуулж эхэлжээ. Барууны амьтны гаралтай хооллолтын аймшигт үр дагаврын тухай тэрээр улам ихийг олж мэдэн 2012 онд “Бүгдийн Найдвар” баримтат киноны ажилдаа шуударч оров. Тэрээр Европ, Энэтхэг, АНУ руу аялан хүрээлэн буй орчны тэргүүлэх мэргэжилтэн, эрдэмтэн, доктор, хоол тэжээлийн судлаач, мөн хоолны дэглэмээ солин хүнд өвчнөөсөө эдгэрсэн хүмүүсээс ярилцлага авчээ. Тус кино 2016 онд Германд гарч эхэлсний дараа хатагтай Мэссингер “Н.А.Й.Д.В.А.Р Хоолоо зөв сонгохын учир” гэж өөрчилсөн англи хувилбар дээр нэг жил ажиллав. Н.А.Й.Д.В.А.Р гэдэг нь “Гараг Дэлхийгээ Анагаахуй“ гэсэн үг. Хатагтай Мэссингер ба түүний баг бүхэл хүнс, ургамалд суурилсан хооллолтыг сонгохын чухлыг дэлхий дахинд мэдүүлэхэд бие сэтгэлээ зориулсан юм. Энэ нь бидний эрүүл мэнд, урт наслалтыг бататгах, байгалийн нөөцийг хадгалах, биологийн олон төрөл зүйлийг хамгаалах, бидний экологийн ул мөрийг багасгах, тоолж баршгүй амьтдын амийг хамгаалах, бүр амгалан ертөнцийг дэмжих юм. Олон хүн ургамлын гаралтай хоолонд шилжсэнээр төрөл бүрийн хорт хавдраас ангижирч чадсан юм. Бидний бие махбодийг хамгаалахын тулд Бүтээгч бурхан хэрэгтэй бүхнээр хангасан нь учиртай. Хэрвээ бид хоолоо ухаалгаар сонговол эмийн жорын хэрэгцээ бага болох байх. Энэ бол тус киноны хүргэх дуу хоолой: бид ургамлан суурьт хоолны дэглэмийг сонгож, бусдад эрүүл амьдрал, гараг дэлхийг нөхөн сэргээхийн төлөөх энэ энгийн сонголтыг таниулах замаар үлгэр дуурайллыг үзүүлэх болно. Махан суурьт хоол нь ургамлан суурьт хоолноос хол давуу хэмээн бидэнд итгүүлж ирсэн. Энэ худал болохыг анагаах ухааны мэргэжилтнүүд ахин дахин илчилсээр байна. Ингэхээр бид яах хэрэгтэй вэ? Бид фермүүдийн олон талт байдлыг сэргээн аврах хэрэгтэй. Фермүүддээ бид эв зохицлыг авчрах хэрэгтэй байна. Бид олон талт байдлыг алдаршуулах, фермерүүдтэй хамтран ажиллаж танилцах хэрэгтэй. Амьдралын хамгийн дээд хэлбэр, хамгийн өндөр үнэ цэнэтэй зүйл бол энэрэх сэтгэл. Энэрэнгүй сэтгэл байвал бид сайн сайхнаа хамгийн ихээр өсгөнө. Эцэст нь хэлэхэд, баялаг нь энх мэнд гэдэг үгнээс гаралтай. Цөөхөн хэдэн хүний гарт байгаа мөнгийг би хэлээгүй; амьдралын хамрах хүрээгээр тархсан энх мэнд байдлыг би хэлж байна. Хүн төрөлхтөн зөвхөн хувь чанар, ухаан бодол, мэдрэмжтэй төрөлтөн гэдгээр хязгаарлагдахгүй гэдгийг хүлээн зөвшөөрч, бид амьтны аймгийн нэг хэсэг гэдгээ ухаарчихвал бид амьтантай – бүх амьтантай- хэрхэн харьцаж байгаа нь бидний бие биетэйгээ хэрхэн харьцдагийн адил чухал болно гэж би боддог. Ингээд бид бусад амьд төрөлтөнд хүндэтгэл, анхаарал халамж үзүүлсэн цагт л дэлхий өнөөдрийнхөөс илүү амар тайван байна гэж төсөөлөх боломжтой болно. “Н.А.Й.Д.В.А.Р Хоолоо зөв сонгохын учир” киноны тухай дэлгэрүүлэн үзэх буюу тус киног бүхэлд нь үнэ төлбөргүй үзэхийн тулд дараах хаягаар орно уу: Hope-TheProject.com or Facebook.com/HealingOfPlanetEarth
