Ухаалаг тогтвортой хотуудыг бүтээх шинэлэг аргууд, 2 цувралын 1-р хэсэг

Нэгдсэн Үндэстний Байгууллагын судалгаагаар 2050 он гэхэд ойролцоогоор дэлхийн хүн амын гуравны хоёр нь хотод амьдрахаар байна. Хүн амын түргэн хурдацтай өсөлтийн улмаас олон хотууд илүү тогтвортой болох, илүү ногоон, эко- шийдэлтэй замыг хайж байна.

Хүн төрөлхтний түүхэнд байгаагүйгээр бидний ихэнх нь хотод амьдарч суурьшжээ. Гэвч ер бусын хотжилтоо бохирдсон бетонон хотжилттой бүү адилтга. Бид хотыг цэвэрхэн болгох, илүү ногоон, эрүүл амьдрах орчин болгож өөрсдөө болон хойч үеэрээ амьдрах ёстой. 2050 он гэхэд 6 тэрбум хүн хотуудад амьдрах нь.

Бид тогтвортой хот гэж юуг хэлээд байгаа вэ? Үнэхээр тогтвортой хот нь оршин суугчдадаа аюулгүй, өсөж дэвжих орчноор хангаж байх ёстой бөгөөд ирээдүй үеийнхэндээ ч адилхан ийм нөхцөлтэй байхаар ухралтгүй зүтгэх ёстой юм. Тогтвортой хотууд байгаль орчны нөлөөллөө сайтар анхаарах ёстой ба нөөцийг үр ашигтай ашиглахын төлөө үргэлж ажиллах, ус ашиглалтаа багасгах, сэргээгдэх эрчим хүчийг нэмэгдүүлэх, хог хаягдлыг багасгах, дахин ашиглах, агаарын чанарыг сайжруулах, ногоон орон зайг ихэсгэх улмаар хотын оршин суугчдынхаа амьдарлын чанарыг сайжруулах ёстой. Дээр нь тогтвортой хотууд нь уур амьсгалын өөрчлөлтөөс үүдсэн хөнөөлт гамшиг тохиолдоход даван туулах арга замыг эрэлхийлж байвал зохино. Өнөөдрийн манай нэвтрүүлгээр бид дэлхийн зарим хотуудаар зочилж тэдний авч хэрэгжүүлж байгаа инновацлаг арга замууд, хот нь “тогтвортой, ухаалаг, ногоон” болж байгааг үзнэ. Тэдгээрээс хотыг тогтвортой байдлыг нэмэх хамгийн хурдан хамгийн үр дүнтэй нэг арга нь ногоон орон зайг нэмэгдүүлж мод, ургамлуудыг хаа саагүй тарих боломжтой газар бүрд тарих юм.

Шинжлэх ухааны судалгаанаас хотын мод, ургамлууд бас эрчим хүчний хэрэглээг сайтар бууруулж чаддагийг харуулжээ. АНУ-ын Ойн Албанаас саяхан хийсэн судалгааны тайланд үзүүлснээр хотын орчинд тарьж ургуулсан модод дулаалга болон сэрүүцүүлэх энергийн хэрэглээг 7%-иар бууруулж чадсан, үндэсний хэмжээнд 7,8 сая ам.долларыг хэмнэжээ. Дэлхийн зарим хотуудад модод болон ургамлыг яаж илүү ихээр өөрсдийн хотдоо тарьж ургуулж байгааг хамтдаа үзэцгээе.

Уур амьсгалын өөрчлөлтийн үр дагавар нь улам гамшиг, хөнөөлтэй болж ирээдүйд хотын тогтвортой байдалд заналхийлэхээр байна. Их Багш Чинхай бидэнд энэ асуудлыг шийдэх хамгийн хурдан, үр дүнтэй шийдлийг сануулсаар л байна. “Юуны түрүүнд бид дэлхийгээ аврах энэ шийдлийн тухайд өөрсдөө бага зэрэг мэдэх учиртай, энэ бол ургамлан хүнс, сэргээгдэх эрчим хүч, мод тарих юм. Эд бол хийх боломжтой зүйлс, ялангуяа ургамлан хооллолт.

Учир нь ургамлан хооллолтонд хүн бүр шилжиж чадна. Энэ бас амьдрах хамгийн зохистой арга зам юм. Тэгээд бидэнд уур амьсгалын өөрчлөлтийг хязгаарлах илүү арга техникийг олж болно. Энэ зуурт ургамлан хооллолт нь уур амьсгал нэмж дулаарахыг зогсоох ба моднууд агаар мандлаас нүүрсхүчлийн хийг зайлуулж шингээхэд туслах болно; бид цаг уураа дахин чийглэг болгож, тогтворжуулж чадах юм. Иймд мод тарих болон ургамлан хооллолт нь зайлшгүй чухал. Тэгээд бидэнд байгаа цаг хуга- цаанд тогтвортой энерги тэр дагуу урсах болно.”