Би аль болох олон чөтгөртэй найрамдах замаар тэднийг цөөрүүлэх гэж хичээж байна. Тэднийг хүсвэл шүү дээ. Эсвэл тэдэнтэй тэмцэж, үгүй бол хаа нэгтээ тэднийг буланд шахдаг. Хүмүүсийн үйлийн үр миний ажилд урьд өмнө байгаагүйгээр саад тотгор болсоор л байна. Хэдийгээр бүхий л Диваажин, Гэгээнтнүүд, Мэргэд, сүнслэг болон веган хүмүүс намайг дэмжсээр байгаа ч хүмүүсийн үйлийн үр удаанаас удаан, бидний санах ч үгүй тийм эртнээс хуримтлагдаж дээ. […] Амьтан-хүмүүсийг үхлээс, өдөр бүр тамлуулахаас аврах юм бол сүнс тань, хамаатан садан, найз нөхөд, хайртай бүхэн тань аврагдана гэдгийг та нар үнэхээр ойлгоно хэмээн би найдах л юм.
Би энэ талаар, дайнд оролцож буй хүмүүсийн тухай үнэхээр ярихыг хүсээгүй. Үйлийн үрээс нь болоод надад тун таагүй байдаг болохоор ялангуяа дайны түрэмгийлэгчийн талаар ярихыг хүсээгүй. Гэхдээ зүрх сэтгэлээ болиулж хүчрэхгүй нь. Юу гэхээр... Би нэрийг нь зөв дуудаж байгаа бол ноён Пригожин буюу Украин (Урейн) дахь дайны хөлсний цэргийн арми Вагнерийн даргад хайртай байсан хүмүүст зориулж энэ үгийг хэлж байна. Би түүний төлөө, түүний сүнсэнд харамсаж байна. Яагаад гэвэл тэр үнэндээ муу хүн байгаагүй. Түүний зүрх сэтгэл тийм ч муу биш. Гэхдээ тэр хүчээр Путинд зүтгэхэд хүрч, мөн чөтгөрүүдийн нөлөөгөөр ажил үүргээсээ болоод Кремлийн төлөө энэ бүхнийг хүчээр хийхэд хүрсэн. Ямартай ч ийм л зүйл болсон.
Би нэг зүйл хэлэх гэсэн юм. Ноён Пригожины хамаатан садан, найз нөхөд, шүтэн бишрэгчид, дэмжигчид та бүхэн анхааран сонсоорой. Энэ дэлхийг орхин өөр ертөнцөд очихдоо, өөд болоод, хэн ч байсан,ихэнх нь, хамгийн хүнд гэмт хэрэгтнүүд байсан ч тэднийг шүүх шударга шүүлт гэж болдог. Ноён Пригожины тухайд ярья. Түүнд сайн зүйлийн жаахан оч байгаа учраас өөд болсноосоо хойш 49 хоногтоо тэр нэгэн онцгой хэсэгт байх болно. Дэлхий дээр байхдаа тэр чимээгүйхэн буян үйлдэж, сайн үйл хийж байсан...
Media Report from Ria Novosti – Jan. 5, 2023, Yevgeny Prigozhin: Битгий хэт их бод, мансууруулах бодис бүү хэрэглэ, эмэгтэйчүүдийг бүү хүчинд, асуудалд бүү ор. Хулгай, дээрэм бүү хий.
Media Report from Ria The New York Times – July 2, 2023, Yevgeny Prigozhin: Украинчууд хэрхэн айж, хулчийж, хэрхэн зугтсан талаар эцэс төгсгөлгүй яриаг зогсооцгооё. Тэд зугтдаггүй, тэд дайтаж, газар нутаг дээрээ эцсээ хүртэл нэр төртэй, зоригтойгоор зогсдог.
Оросын иргэдийг үхэлд хүргэж, Украиныг цэрэггүй болгож, нацизмаас ангижруулахын тулд дайтах шаардлагагүй байсан юм.
Media Report from South China Morning Post– Aug. 24, 2023, Yevgeny Prigozhin: Бидний эргэх шийдвэр хоёр чухал хүчин зүйл дээр тулгуурлалаа. Эхнийх нь гэвэл бид орос хүний цусыг урсгахыг хүссэнгүй. Хоёр дахь нь гэвэл бид эсэргүүцлийн жагсаалаа албан ёсоор бүртгүүлж байсан, харин улсынхаа засгийн газрыг унагахыг санаархаагүй.
Эрх чөлөө энэ тэр ч юм уу, сайхан орд харш, диваажин шиг газар ч биш. Тамд хэвээрээ ч шүүгдэж, шийтгүүлээгүй байгаа. Голдуу тэнд олон хүн янз бүрийн шалтгаанаар шүүгдэх хугацаагаа хүлээж байдаг. Иймд тэрээр завсрын орон хэмээх газар шүүлтийг хүлээж байгаа. Доод ертөнцийн шүүлтийн шийдвэр гарах хүртэл одоо түүнд 43 өдөр бий. Дөчин ес хоног бол бие махбодоо орхиж явсан тухайн хүний төлөө аливаа гомдол, хүсэлт, залбирал үйлдэх цаг хугацаа юм. Ямар ч хүнд энэ 49 хоногт цаашдын заяагаа дээрдүүлэх боломж бий.
Дөчин ес хоног нь зөвхөн буянгүй болон тамд унаж мэдэхээр хүмүүсийн тухайд байдаг юм. Асар их буянтай, амьдарч байхдаа ариун зам мөрөөр явсан, эсвэл Их Багштай хүмүүс Диваажинд очдог. Их Багштай хүмүүсийн тухайд Их Багш нь тэднийг өөд болох үед нь ирээд, аваад явдаг юм. Хэрэв Их Багштай бол өөд болох үед тань Тэр таныг авахаар ирнэ. Тэгээд Дэлхий дээр байхдаа ямар түвшинд хүрсэн байна тэр түвшин рүүгээ Түүнтэй хамт явна. Энэ нь мэдээж хэрэг Их Багшийн тань түвшнээс хамаардаг.
Их Багшаа олох л хэрэгтэй. Эхлээд итгэж болохоор эсэхийг нь шалгаарай. Энэтхэгт Их Багштай байх ёстой гэсэн уламжлал бий. Хэрэв Их Багшгүй хүн байвал бусад хүн түүнийг дорд үзэх хандлагатай байдаг. Их Багш гэдэг бол таныг энэхүү үхэх, төрөхийн тойргоос үүрд гэтэлгэж чадах хангалттай хүчтэй Нэгэн бөгөөд хүлээн авах үедээ Тэд хүч чадлаа танд батлан харуулдаг. Иймээс сонгох хүртлээ тун сайн судалж үзээрэй. Би та нарт бүгдэд нь амар амгалан, аз жаргалтай байж, гэтлэгдэхийг ерөөж байна. Бас Бурхан та бүхнийг адислаг.
Та нарт ноён Пригожин таалагддаг бол, түүнд хайртай, түүнийг өрөвдөж байвал түүний төлөө залбираарай.
Media Report from Channel 4 News – Aug. 25, 2023, Reporter: Вагнерийн хөлсний цэргүүдийг зүрх сэтгэлтэй байсан гэж хэн мэдэх вэ? Гэтэл Евгений Пригожин болон түүний журмын нөхөр Дмитрий Уткин нарын үхэл тэднийг гүн шархлууллаа. Тэд Пригожины өссөн Санкт-Петербург дахь Вагнерын төв байрны гадна улаан лиш цэцэг тавьжээ. Аавыгаа алдсан юм шиг санагдаж байна. Бидний хувьд тэр бүх зүйл байсан. Бид түүнээс, “Женя ах”- аасаа үргэлж л ямар нэг үг хүлээдэг байлаа.
49 хоногийн дотор сайн хүмүүсийг эрж олон, зүрхэндээ нинжин сайхан, хайрын сэтгэлийг тээх аваас таньдаг хэн нь ч бай залбирахад тус болдог. Тухайн хүн муу үйлийн үртэй бол төдийлөн их тус болохгүй ч байж магадгүй. Гэхдээ л нэмэртэй. Хичээгээд найдах хэрэгтэй. Бурханы Ивээлээр юу ч болоо билээ? Ядаж хүндээр шийтгүүлэхгүй болж болно. Шүүлтийн дагуу шийтгүүлэх юм бол амьдралынхаа хором мөч бүхэнд өдөр шөнөгүй мөшгүүлж, тамд таарсан хүн бүр нь хаа явсан газар нь түүнийг буудаж, хутгалж, мөчилж тастана. Нэг газраа байх ч аргагүй. Үүрд хөөгдөж, нуугдах ч газар олдохгүй. Түүний оролцсон аллага бүрийн хохирогчид, ямар нэг байдлаар тахир дутуу болгосон, шархтуулсан хүн бүр нь түүнийг үүрд ингэж хөөж элдэн, шийтгэсээр байх болно.
Би энэ талаар ярихыг хүсээгүй ч байж ядаад байсан юм. Надад дуугүй байх сэтгэл байсангүй. Тэгэхээр түүний төлөө чадахаараа залбирч, түүнд туслаарай. Түүний зарим эд зүйлийг, эсвэл бүх эд зүйлийг нь бусдад буян болгож, ялангуяа дайны хохирогчдод тусламж болгож өгөөрэй. Тэгвэл түүний хийсэн зүйлийг тэнцвэржүүлэхэд бага ч гэсэн нэмэр болно. Хэдий түүний зүрх сэтгэл хүмүүсийг алж хядах хүсэлгүй байсан ч Путиний болон Кремлийн чөтгөрүүдийн, том чөтгөрүүдийн нөлөөгөөр тэгэх ёстой болсон. Бас албан тушаалаас нь болсон. Тэд түүнийг дэндүү... магадгүй дэндүү ухаантай, хэрхэн байлдааны бодлого боловсруулахыг мэддэг байснаас нь болж түүнээс гуйсан байх. Тэгээд түүнээс дахин дахин зөвлөгөө өгөхийг гуйсан биз. Тэгээд л дайн улам бүр томорсоор байсан байх. Тэр өөрийгөө ямар ч юм бай шалтгаанаар даргадаа, эх орондоо зориулсан хэрэг.
Даанч тэр тун харамсалтай, аймшигтайгаар, итгэсэн нэгэн нь урваснаас болж амиа алдлаа. Иймд энэ бол толгойлогчдоо, эх орондоо л үгнээс гаралгүй, үнэнч зүтгэсэн хүнд тохиолдсон дэндүү аймшигтай зүйл юм. Нөгөөтэйгөөр түүний эмгэнэлт үхэл Оросын армийн бүх удирдагч болон цэргүүдэд сэрэмжлүүлэх дохио боллоо. Яагаад гэвэл тэгж амиа алдсан хүн зөвхөн тэр ганцаараа биш. Кремль хэдийн олон хүнээ хөнөөчхөөд байгаа. Та нар заримыг нь мэднэ, заримыг нь мэдэхгүй. Маш олон генерал учир битүүлгээр үхсэн. Кремльд болон Орос оронд тусалж байсан олон баячууд учир битүүлгээр амиа алдацгаасан. Кремль хүчтэй байсаар байгаа цагт энэ бүхэн үргэлжлэх болно. Хэчнээн олон үзэсгэлэнтэй, сайхан залуус, бүсгүйчүүд огтхон ч дэмжихийг хүсээгүй учир шалтгаанаасаа болж Украин (Украин)-д амь насаа алдаад байна вэ? Дайныг эсэргүүцсэнийхээ төлөө хэчнээн олон хүн Орост шоронд ороод байна вэ?
Дэлхий бүхэлдээ Украин (Урейн) дахь дайныг эсэргүүцээд зогсохгүй Украин (Урейн) дахь Оросын шударга бус дайныг Оросын ард түмэн ч өөрсдөө эсэргүүцэж, үүнийг огт сайн зүйл биш гэдгийг нь мэдэж байгаа. Бас тэд дүрвэж, эсэргүүцэж, нэг бол шоронд хоригдож; эсвэл хордож, алуулж, үгүй бол олон давхар байшингаас түлхэгдэн унаж, эсвэл далайд завинаас унаж амиа алдаж, онгоцноос, зочид буудлын өрөөнөөсөө, өөр хаанаас ч юм унаж амиа алддаг. Бялдаржуулах газарт хүртэл шүү. Тэгэхээр өдий болтол Кремль Оросын ард түмнийг төмөр нударганы бодлого ч юм уу, ямар нэг чөтгөрийн, маяагийн нөлөөгөөр яаж ингэж атгасаар байгааг би мэдэхгүй юм.
Одоо улам бүр цөөрсөөр байгаа ч Диваажингийн болон хүмүүсийн хүчирхэг дайснууд энэ гарагийн хүмүүс дунд хүмүүний дүр төрхтэйгөөр оршсоор л байна. Энэ бол энэ гараг дээр энх тайвныг тогтоож, веган диваажинг цогцлоох хүсэлтэй бидний хэн нэгний хувьд эв найртай, аз жаргалтай, гэм зэмгүй, хэзээнээсээ л Бурханаас бидэнд заяасан хэрэгцээтэй бүх зүйлд сэтгэл хангалуун, баяртайгаар амьдрахад туслахад учирч буй том саад тотгор юм. Надад болон миний энхийн цэргүүдэд ч том саад болдог. Надад нэг ч бус, олон энхийн цэрэг бий. Тэдний нэгийг миний ууган шавь нарын зарим нь гүйцэтгэсэн. Бас өөр өөр ангилалд, өөр өөр үүрэгтэйгээр үүсгэгдсэн, эсвэл хэдийнээ оршсоор ирсэн байдаг.
Бүгдээрээ хамтдаа амьдрах веган диваажинг цогцлооход хүмүүс хамтрахгүй байгаа нь надад маш их саад болдог. Амьтан-хүмүүсийг цаг тутамд сая саяар нь хөнөөж байгаа нь надад болон миний энхийн цэргүүдэд асар том саад тотгор болж байна. Тэглээ гээд би өөр яалтай билээ? Ерөнхийлөгч Трамп шиг сайн удирдагчийг юу ч юм гаргаж ирээд, удаан хугацааны турш шүүхээр явуулдаг энэ дэлхийд би юу хийж чадах билээ? Худал гүтгэлгээс эхлээд зохиомол, таамагласан гэх мэт... Түүнийг хохироож, улс төрийн тавцанд нь саад учруулах гэж хэлмэгдүүлж байна. Зүгээр л сайн хүнийг уландаа гишгэхийн тулд, өөрсдөдөө илүү эрх мэдэл авах гэж тэр шүү дээ...
Би хүн бүрд хэлсээр л байгаа. Тийм ч олон хүн сонсохгүй байх шиг байна. Би үнэхээр их гунигтай байна. Би дахиж хөндлөнгөөс оролцохыг хүсээгүй. Даанч зүрх сэтгэл минь тэвчихгүй юм. Та нарын энэ байдлыг, зовлон зүдүүрт энэ байдлыг, амьтан-хүмүүс болон ой моддынх шиг шаналгаатай нөхцөл байдлыг үл тоох зүрх сэтгэл надад алга. Зарим нь өнө эртнээс нааш байгаа учраас манай дэлхийд маш их тустай атал бас л алж, тайрч унагаж, хөнөөж, энэ гарагийн бүхий л төрөлтнийг өдөр бүр тамлаж байна. Энэ бүхэн зүрхийг минь сийчих шиг болох юм. Би аль чадахаа л хийж, бүгдийг чинь сэрж сэхээрэх болтугай хэмээн залбирдаг.
Би аль болох олон чөтгөртэй найрамдах замаар тэднийг цөөрүүлэх гэж хичээж байна. Тэднийг хүсвэл шүү дээ. Эсвэл тэдэнтэй тэмцэж, үгүй бол хаа нэгтээ тэднийг буланд шахдаг. Хүмүүсийн үйлийн үр миний ажилд урьд өмнө байгаагүйгээр саад тотгор болсоор л байна. Хэдийгээр бүхий л Диваажин, Гэгээнтнүүд, Мэргэд, сүнслэг болон веган хүмүүс намайг дэмжсээр байгаа ч хүмүүсийн үйлийн үр удаанаас удаан, бидний санах ч үгүй тийм эртнээс хуримтлагдаж дээ. Бас авирч гаршгүй том уул шиг томорчихжээ. Амьтан-хүмүүсийг үхлээс, өдөр бүр тамлуулахаас аврах юм бол сүнс тань, хамаатан садан, найз нөхөд, хайртай бүхэн тань аврагдана гэдгийг та нар үнэхээр ойлгоно хэмээн би найдах л юм.
Та нарыг ойлгог хэмээн Бурхан ямар нэг байдлаар ивээх байх гэж найдаж байна. Бас та бүхэн өөр нэгэн төрөлтний цуст махыг идэхээ зогсоох учиртай. Амьдрахын тулд өөр нэгний амийг авч болохгүй. Юу тарина, түүнийгээ л хураана. Урьд насандаа хангалттай их буян хураасан байлаа ч гэсэн, эсвэл ямар нэг буяны ажил хийдэг байлаа ч гэсэн өр төлөөс, цуст өр төлөөсийг төлөх л ёстой. Мэдээж хэрэг буянаас тань хамаарч их бага хэмжээгээр төлөгдөх байх. Одоо ч бай, хойд насандаа ч бай, ямартай ч төлөх ёстой. Энэ Ертөнцийн, доод Ертөнцийн Хуулиас юу ч мултарч чадахгүй. Гагцхүү эрт, эдүгээгийн Их Багш нарын шавь нарын нэгэн адил доод Ертөнцөөс дээш өөрийгөө дэвшүүлж чадах юм бол чөлөөлөгдөх болно. Энэ дэлхийг орхих юм бол үүрд эрх чөлөөтэй болно.
