Дэлгэрэнгүй
Татаж авах Docx
Дэлгэрэнгүй уншаарай
Цэвэр ариун сэтгэлт, Бурханд үнэнхүү сүсэг бишрэлтэй бүхий л сүнснүүд минь сайн байцгаана уу? Та нарт хэлэх ёстой болно гэж хэзээ ч бодож байгаагүй ч Бурхан намайг хэл гэсэн зүйлийг хэлье. Яагаад гэвэл би урьд нь ийм зүйлтэй тулгарч, нөхцөл байдлыг иймэрхүү маягаар шийдэж байсангүй. Тиймээс би... зайлсхийхийг хичээсэн. Юм ч бодсонгүй. Харин Бурхан “Дэлхийн хүмүүс мэдэх ёстой.” гэж хэллээ. Бурхан яг ийм Үгсээр хэлсэн юм. Диваажин болон Тамын өмнө би худлаа хэлж зүрхлэхгүй. Та нар мэдэж байгаа. Таагүй байлаа ч би та нарт гагцхүү үнэнийг л хэлсээр ирсэн. Өмнөх шуурхай мэдээнүүдийн нэгд нь би хэдийнээ жаахан тайлбарласан гэж бодож байна. Бас үргэлжлэл нь Багш шавийн шүтэлцээгээр гарсан, эсвэл удахгүй цацагдах гэж байгаа байх. БШШ (Багш шавийн шүтэлцээ) хөтөлбөрийн хэд хэдэн хэсэг байгаа учраас цацахад хугацаа орж байгаа байх.Хэдий тайлбарласан ч гэсэн би нэрийг нь хэлэхээс зайлсхийсэн... Бас хуурамч Их Багш Тран Тамыг дагасан итгэл бишрэлт, гэм зэмгүй хүмүүст би санаа зовсон юм. Зарим зүйлийг дурдсан боловч нэрийг нь хэлэхгүйг хичээсэн. Даанч Бурхан намайг нэрийг нь хэлэх ёстой гэж хүчиллээ. Тэгэхээр, энэ хүн өөрийгөө “Гүрүжи Рума” гэж өргөмжилсөн байна. Тэр миний хийдэг бүхнийг дуурайн хийхийг хичээдэг ч тэр нь бүх талаараа өөр шиг нь тааруухан дуураймал болжээ. Яг л одоо нүүрлээд байгаа Ном Мөхөх Цөвүүн Цагт хууран мэхлэгч Мара болон түүний хамсаатнууд Буддатай адил болж Буддагийн Дээдийн Номыг устгана гэж хэлж байсантай адил юм!Уг нь би үүнийг хэдхэн хүнтэй жижиг бүлэг л гэж бодсон юм. Мөн миний ном сургаал, хэв маяг, амьдралын хэв маягийг хулгайлсан цор ганц хүн тэр биш. Тэд орж ирж, авшиг авчхаад л залбирахгүй, бясалгахгүй, яах ч үгүй, тэгээд шууд гарч яваад өөрсдийгөө “их багш” гээд зарлаад явдаг. Тэр энгийн зааварчилгаанаас өөр зүйл байхгүй гэж бодсон юм шиг байгаа юм. Тэдэнд цаанаа Их Багшийн Хүч огт байхгүй, хүмүүсийг дээшээ авч явах аргаа мэдэхгүй, хэрхэн асуудал бэрхшээлээс, мөн тамаас хамгаалах зэргийг мэдэхгүй. Гэхдээ би урьд нь хэдийнээ та нарт хэлж байсанчлан ийм өндөрт хүрсэн хүн хараахан байхгүй. Дээд тал нь Гуравдугаар Түвшин, хамгийн сайндаа дээд Гуравдугаар түвшинд очсон өөрсдийгөө ч үхэх төрөхийн хүрднээс чөлөөлж чадаагүй байдаг. Тэгэхээр тэд яаж бусдыг өөрийн өчүүхэн оюун санааны “орлогоороо” гэтэлгэх вэ дээ? Ядуу буурай хүн өөрөө идэх ч хоолгүй байж яаж хэн нэгэнд туслах вэ дээ? Энэ талаар шуурхай мэдээний нэгэнд нь хэлсэн. Үүнийг Багш шавийн шүтэлцээгээр нэвтрүүлэх байх. Иймд тун тодорхой гэж би бодсон. За, надад хаа нэгтээ тэмдэглэл бий. Одоохон. Эргээд ирье.Саяхны байдлаар миний шавь гэгддэг хүмүүсийн ердөө 15% нь Тавдугаар Ертөнцийн доод түвшинд, 65% нь Дөрөвдүгээр Ертөнцийн доод түвшнээс Дөрөвдүгээр Ертөнцийн дээд түвшин хүртэл дэвшсэн байна. Би тэднийг Бурханы шавь нар гэдэг ч гэлээ энэ дэлхийн хэлээр “миний шавь нар” гэдэг юм. Зарим гэгээн шавь нар маань хэдийнээ өөд болоод Тим Ко Тү-гийн Диваажин буюу Бурханы Орон болох Шинэ Газарт очсон. Энэ гараг дээр байгаа шавь нараас маань нэг нь ч Тавдугаар Ертөнцөөс чинагш дэвшээгүй. Гаднах хүмүүс юу ч хэлж байсан, тэднээс Тавдугаар Ертөнцөд хүрсэн, Будда болсон хүн байлаа гэхэд тун ховор, маш цөөхөн байгаа. Гэхдээ би хэт олон юм ярихыг хүсээгүй. Үнэн л бол үнэн хэдий ч би хэнийг ч эмзэглүүлэхийг хүсдэггүй. Яагаад гэвэл тэд зөв аргыг дадуулдаггүй. Тэд шууд замаар явахгүй байна.Харин Тран Там буюу Рума гэгч хүн миний нэрийг бараг хуулбарлачихсан. Би урьд нь хүмүүст би бол Төгс Гэгээрсэн Их Багш Чин Хай гэж хэлэхээс ичдэг байлаа. Тэгээд “Намайг ‘Сума’ гэж дуудаарай.” гэсэн юм. Иймд хэсэг хугацаанд намайг Сума гэдэг байв. Харин энэ Тран Там гэдэг хүн “Сума” гэдэг нэрийг авч чадаагүй болохоор өөрийгөө “Рума” гэжээ.Олон хүн түүнийг миний залгамжлагч мөн эсэхийг асуусан. Мэдээж биш! Тэр Тран Там буюу Рума гэгч этгээд надтай ямар ч хамаагүй. МЭДЭЭЖ ТЭР МИНИЙ ЗАЛГАМЖЛАГЧ БИШ! ТРАН ТАМ ЗАЛГАМЖЛАГЧ БИШ. Надад харьяалагддаг хүмүүсийн хэн нь ч ийм зүйл мэдэхгүй, би өөрөө сонсож ч байгаагүй. Гэтэл тэд намайг түүнийг “Залгамжлагч” гэж нэрлэсэн гэх юм. Би үнэхээр тэгсэн бол миний бүх шавь үүний тухай мэдэж байгаа. Иймд энэ бүгд ХУДЛАА, бүгд ХУДЛАА, тэр чигээрээ ЗОХИОМОЛ зүйл! Түүний хийж байгаа юуг ч би хэзээ ч хариуцахгүй. Та нарыг юу ч үгүй ховх сорохоос өмнө дэлхий даяараа хор нөлөөтэйг нь мэдэж, түүнээс зугтаж, болгоомжлоорой. Түүнээс хол байх тусам дэлхийд хэрэгтэй.Надад залгамжлагч бий гэж би хэзээ ч зарлаагүй. Ажил үйлээ зогсоолоо ч гэж би хэзээ ч зарлаагүй. Үгүй шүү! Би Их Багш байгаад зогсохгүй маш олон зүйлийг хийдэг. Энэ нь би бол “гарамгай Их Багш” гэж байгаа ч юм биш. Урьдын бүх Их Багш нар ч тэгж байгаагүй. Тэд бүгдээрээ шавь нартаа зааж сургаад, өөр юу ч хийдэггүй байв. Тэгсэн ч гэсэн Тэдэнд хэдийнээ маш их асуудал байдаг. Би бас дэлхийд анхаарал тавих хэрэгтэй, дашрамд нь шавь нараа анхаарах ёстой.Надад итгэдэг бүхнийг би хүлээн авдаг. Тэдний мэдээллийг, юу хийдэг, мөнгөтэй, мөнгөгүй, бясалгал хийж байсан эсэх, хангалттай буянтай эсэхийг хэзээ ч шалгадаггүй. Бараг бүгдийг нь авдаг. Би тэдэнд өөрчлөгдөж, зөв зам мөр тийш эргэх боломж өгдөг. Гэхдээ тэдний зарим нь хувийн, далд шалтгаанаар юм уу энэ дэлхийг түйвээх гэж Сөрөг хүчнээс илгээгдэж ирдэг. Үнэндээ тэд хүн биш. Тиймээс л тэгдэг. Би хэдийнээ шалгаж үзсэн. Энэ Тран Там бол сувдаг чөтгөр бөгөөд тун яггүй нэгэн. Рума гэж өргөмж нэр авсан энэ этгээдийг далдыг хардаг хүн харвал өнгөлөн далдалсан чөтгөр гэдгийг нь харж болно. Та нарын зарим нь ч гэсэн нүдээ нээгээд харж чадах байх. Бурхан хүссэн учраас би нэр төр/аюулгүй байдал/ үнэт цагаа, өөр олон зүйлээ золиослоод та нарт хэлж байна...Би Марагийн Хаантай хамт шалгасан юм. Хэдий Тэрээр миний хийдгийн эсрэгээр үйлддэг, намайг хохироох гэж их хичээдэг ч бид заримдаа ярилцдаг. Гэхдээ одоо дээрдсэн болохоор би Түүнийг “Эрхэм Ариун Марагийн Хаан” хэмээн, Түүнийг надад энэ дэлхийг харж хандахад, энэ дэлхийг диваажин болгоход үнэхээр туслах байх гэж найддаг. Яг одоо Бурханы надад айлдсанаар бусад олон Хаадаас гадна Үйлийн үрийн Хаан болон Аюулгүй байдлын Хаан надад тусгайлан тусалж байгаа. Өнгөрсөн жилийн 4-р сард надад хүндлэл үзүүлэхээр ирсэн Хаадын урт жагсаалт бий. Гэхдээ би дэвтрээ хаана тавьснаа мэдэхгүй байна. Юу гэхээр миний гэр тун жижигхэн. Бүх зүйлээ ойр зуур байлгах боломж байхгүй. Иймд ямар нэг юм олох болбол хайрцгуудыг, хаягласан хайрцгуудыг, эсвэл магадгүй хаа нэгтээ цоожтой тээш ухна. Ямартай ч бүх Хаан ирсэн гэдгийг та нар мэдлээ. Бүх төрлийн Хаан бий. Зарим нь нигүүлсэхүйн үйлстэй. Зарим нь үгүй. Тухайлбал Дайны Хааны хийдэг ажил нь энэ дэлхийн үйлийн үрээс болоод хийхэд хүрдэг зүйлс юм.Харин энэ чөтгөрийг Марагийн Хаан илгээжээ. Би Эрхэм Ариун Мара Хаанд тэр Тран Там буюу Рума гэгч чөтгөрийг надаас холдуулж, түүнийг надтай ямар ч хамаагүй хаа хол явуулж өгөөч хэмээн хэлсэн. Надтай холбоотой юуг ч тэр ашиглаж болохгүй. Миний нэрийг, миний орчуулагдсан нэрийг миний сургаал, миний заах арга барил, миний шавь нартаа өгсөн нууц Бэлэг, миний хуваалцсан бүх зүйл, надтай холбоотой юуг ч тэр ашиглаж болохгүй, ашиглахыг зөвшөөрөхгүй. Өөрөө тэгнэ ээ гэж албан ёсоор зарлавал өөрт нь сайн. Эс бөгөөс би түүнийг аварч чадахгүй, тэр цаашид орших үгүйг нь мэдэхгүй байна. Мөн Мара Хаан бас маш хүнд хариуцлага үүрэх ёстой болно. Учир нь надад сайн хандаж, эсвэл надад болон миний шавь нарт хохирол учруулаагүй тохиолдолд Тэр Тран Тамд, бусад чөтгөрүүдэд би хохирол учруулж байгаагүй.Би Мара Хаантай үргэлжлүүлэн ярилцав: “Би зөвхөн энэрэлт Майдар Бурхан төдийгүй Номын Хүрд Эргүүлэгч Хаан. Би энэрэл нигүүлсэл ашиглахаас гадна Хаан-хүчээр Хаант Улсад маань угаас орших ШУДАРГА ЁСНЫ Хүчийг ашигладаг.Тэгэхээр, Тэрээр энэ (Эрхэм ариун Мара Хаан) нэрийг хэдхэн хоногийн өмнө л авсан. Дээр үед Тэр “Марагийн Хаан” л байв. Одоо миний бодлоор Түүнд жаахан сайн хандлага, эрхэм ариун хандлага бий болсон. Тэр ямар нэг юм хийж чадна гэж найдаж байгаа ч хараахан баттай биш. Цаг хугацаа харуулах болно! Бурхан минь, би үүнийг хэлэх ёсгүй байж магадгүй. Хэлж болох нь уу? Асуугаадахъя. За. Тийм ээ. Тэрээр хэн нэгэн муу бол Тэр ажлаа хийх л болно гэсэн. Харин үүнээс өмнө би өөрийгөө тийм ч муу байгаагүйг Түүнд хэлсэн. Гэтэл Тэр яагаад над руу сүүлд өөрийгөө Рума буюу бүр “Гүрүжи”, “Агуу Их Багш” гэж нэрийдсэн чөтгөрийг илгээх болов гэж асуулаа. Ээ Бурхан минь! Миний хийдэг болгоныг бараг бүгдийг нь дуурайдаг. Миний дуулдаг шиг тэр бас өөрийнхөө “хоолойгоор” дуулдаг. Бурхан минь. Би саяхан санаандгүй олж мэдсэн юм. Түүний юу хийж байгааг энэ олон жил би мэдсэнгүй.Яах вэ, хэд хоног, хэдэн сараар орж ирж авшиг хүртчихээд гараад, “их багш” болчихдог, өөрийгөө их багш гэдэг хүмүүс байж л байдаг болохоор тэр л дээ. Би зүгээр л “Өө, яах вэ. Тэдэнд хүч байхгүйг хүмүүс мэдэх байлгүй дээ...” гэж бодож байлаа. Гэтэл хүмүүс үнэхээр мэддэггүй юм байна. Хүмүүс мэддэггүй юм байна. “Тэд хэнийг ч татаж чадахгүй.” гэж бодоод нэг их санаа зовсонгүй. Тэд хуурамч болохоор тэр л дээ. Хүмүүсийг би сүнстэй юм чинь юу хуурамч, юу жинхэнэ болохыг мэднэ гэж бодож, итгэсэн юм. Тэгээд ч би тэднийг санахтай манатай тун завгүй байдаг.Санасан нэгнийгээ би засаж авсан. Тэр надтай хамт дияан хийдэг байлаа. Тэгээд гэнэт л “их багш” болчихсон. Түүнийг тун хүнд өвдсөний дараа хэн нэгэн надад хэлэх хүртэл би мэдээгүй. Тэр хэвтэрт, талийхын даваан дээр очоод, наманчилж, надад залбираад эдгэрсэн. Мэдээж би өршөөсөн л дөө. Харин нөгөө нэг нь наманчлаагүй. Би түүнд бүр захидал бичсэн.Хүмүүс надаас түүнийг яагаад өөрийн залгамжлагчаа болгож байгаа юм бэ гэж асуух болсон. Би яахаараа тэгэх вэ дээ? Би яагаад Тран Тамд залгамжлагчийн байр суурь өгнө гэж? Тэр хэзээ ч надаас томилолт авч, хаа нэг газар руу авшиг өгөхөөр явж байгаагүй. Гэтэл тэр ямар нэг аргаар дуурайсан. Мөн миний өгдөг Тав дугаар төвшнөөс дээших Бэлгийг хүртэл хуулбарласан. Тэр үүнийг олж мэдэх ёсгүй байсан юм. Яагаад гэвэл бусадтай хуваалцвал хүч нь шууд байхгүй болж, өөртөө болон бусдад хохирол учруулна.Надад илүү онц сайн лам нар, гэлэнмаа нар бий. Тэд нар хүртэл залгамжлагчийн хийх зүйлийг хийж чадахгүй байхад тэр нэг сувдаг чөтгөрийг ярих ч юм биш. Тэр бие махбодтой байгаа учраас зохицуулахад хэцүү хэвээр байна.Photo Caption: Инээмсэглэ, Тэгвэл Дэлхий Тэгнэ: Таны Төлөө Инээмсэглэнэ!
